Tugas Bahasa Daerah

LAYANG SAKA IBU

Srengenge wis jumedul saka wetan semangat kanggo ngangsu kaweruh banget gedhene, pratanda aku kudu nyawisake samubarang piranti kanggo sekolah, ananging ana perkoro sing gugah ati iki, nalika aku nyawang gambar lukisan bapak. Wes rada sak wetoro wektu lukisan sing digambar dening suwargi bapak ora tak rumati.

Bapak sowan marang pangayunaning Gusti ingkang makarya jagad suwene wes 17 tahun kepungkur, aku ditinggal sedo dening bapak nalika aku iseh ana kandungane ibu saiki aku wes sekolah ana SMA kelas XII. Dene suwargi bapak nate matur marang ibu manawa aku wes lulus sekolah bias nglanjutake menyang bangku kuliah supaya aku bisa dadi guru. Bapak sedo karana kacilakan numpak sepeda motor nalika bapak kundur nyambut gawe saka Surabaya

Duh gustiiiii…… lha kok malah dadi ngalamun. Kanti sumedot rasaning atiku aku banjur nyawisake piranti lan buku opo wae sing bakal tak gawa sekolah, ora let suwe aku adus banjur nganggo seragam sekolah sing wis tak cawisake dek mau bengi sak bubare sinau. Sinambi nganggo sepatu aku ngenteni dawuhe ibu sing biasane ngongkon sarapan ananging nganti aku rampung nganggo sepatu ibu ora dawuhi aku, banjur aku mlebu goleki ibu, sawetara aku ngoleki ibu banjur aku ketemu ibu nanging ibu katon susah banget karo netesake luh. Banjur aku matur marang ibu

“ Ibu…… wonten perkawis nopo to bu??? “ Sakwetara wektu ibu ora semaur

“ Wonten nopo to buuuu??” Ibu lagi gelem ngendikan marang aku

“ Nang ojo dadi atimu yo nang, esuk iki ibu ora iso nyawisake sarapan kaya biasane kanggo kowe, iki anane mung turahan sego dek mau bengi nanging ora ana lawuhe, amarga ibu wes ora duwe duwit kanggo blonjo, esok iki ibu uga ora isoooooo……… “ (ibu ora nglanjutke anggone ngendikan)

“ Mboten saget napa bu ………?” (aku takon marang ibu)

“ Ibu uga ora bias menehi sangu nang, uga ibu dino iki durung bisa bayar sekolahmu banjur ujian nasionalmu mung kurang 2 maneh terus mengko Manawa kowe durung bayar ora iso melu ujian nasional.”

“ Mboten napa-napa bu ampun dipun penggalih awerat, dedongo mawon mugi-mugi dipun paring rejeki ingkang langkung kathah”

Aku banjur sarapan sanajan mung sego kendel, ibuku nyawang aku malah sansoyo tambah anggone nangis amarga nyawang aku sarapan ora ana lawuhe, ora lali aku wes dicawisi wedang putih ana botol bekas. Rampung anggonku sarapan banjur aku pamit karo ibu nyuwun donga pangestu supaya anggonku sinau lancar lan oleh ilmu sing manfaat.

Kanti sangu donga pangestune ibu aku budal sekolah numpak sepeda onthel biyen sing mundut suwargi bapak. Sekolahanku sik jarake kiro 5 km iku wes ora tak anggep adoh maneh amargo aku wes kulino. Ora kroso aku wes tekan sekolahan, banjur markirake sepedaku ana panggonan parker sing ana ngisor wit ringin. Banjur aku lungguh ana sak cedake wit ringin supaya kringet sik wes tumetes iki bisa asat sinambi ngombe wedang putih sik dicepakake dening ibu.

Sakwetoro aku lungguh, swara bel muni banjur aku gumregah malaku tumuju kelas XII IPA 1. Kaya biasane pak Topo guru kimia sing uga wali kelasku mlebu kelasku kanggo menehi pemantaban supaya para siswa bener-bener siap ngadepi Ujian Nasional. Kanti konsentrasi para siswa nggatekake opo sing diaturake Pak Topo. Saking konsentrasine anggone nggatekake pelajaran ora krasa wektu 2 jam iku wes ntek, sak durunge pak Topo mungkasi pelajaran, pak topo matur marang aku, “Danang,,,, mengko manowo wes jam istirahat kowe sowan bapak neng kantor yo!!!!! (atiku rada gugup anggonku nyauri, mesti iki urusan babagan bayaran SPP, kanti swara alon aku semaur) iiiii…….iiiiiii……iiiingggiiiiihhhh pakk. Banjur Pak Topo metu soko kelas banjur disambung dene Guru Agama.

Swara bel sekolah mratandakake manawa wes wektune istirahat, banjur aku kanti rasa wedi, grogi, lan liya-liyane aku sowan Pak Topo

Assalamualaikum Pak Topo, wonten dawuh napa nggih pak?

Waalaikum Salam, kene lungguh kursi tamu kene ( Pak Wandi Kepala Sekolah uga wes lenggah ana kono) banjur pak wandi ngendikan kene Nang lungguh kene, banjur aku tanpo mikir sing maneko warno langsung lungguh, kringet adem metu kabeh lan awakku uga ngewel amarga wedi mbok menwowo aku bakal oleh duka saka Pak Wandi lan pak Topo. Banjur aku matur

Nu….nu…..nuwun sewu pak wonten dawuh menopo kok kulo dipun aturi pak wandi kapurih sowan panjenengan kekalih? Nopo perkawis, arta SPP nggih pak?“ banjur pak Topo matur, ojo kuatir nang dudu babagan kui kok, nanging iki mengko iso uga ana gandeng cenenge karo kui uga.

Pak Wandi banjur jlentrehake mergane aku ditimbali kui, banjur pak wandi matur marang aku

“Danang?

“inggih pak….”

“iki bapak arep menehi kabar sik apik kanggo kowe”

“mangkene nang, iki kowe oleh Beasiswa soko salah sawijining Perusahaan kang bakal menehi santunan dana sekolah kanggo para siswa lan siswi kang duweni Prestasi apik, lan salah sawijine yoiku kowe”

“ Nuwun sewu pak kula mboten nate ngajokaken beasiswa “

“ pak topo banjur matur, iku inisiatif saka Guru ana Sekolahan kene, amarga kowe kalebu siswa sing tekun uga pinter”

“iku bener banget nang” (pak wandi)

“ lajeng sedoyo meniko kelajenganipun kados pundi pak?” (danang)

“ ojo kuatir, kabeh wes ana sing ngurusi, tugasmu mung sinau sing sregep kanggo ningkatake prestasimu, malah perusahaan iki bakal maringi beasiswa tekan Perguruan Tinggi”

“ inggih pak, maturnuwun sanget insyaallah kula ningkataken prestasi kula”

Iluhku ora bisa tak empet maneh, amarga bungahe oleh rejeki sik ora tak nyana sangkan parane, wes ora sabar pengen menehi kabar iki marang ibu. Kaya ngapa bungahe ibu manawa tak kabari yen aku oleh beasiswa. Bel sekolah wes muni, aku banjur malayu tumuju parkiran banjur nyengklak pit tak genjot sak rosane supaya aku cepet tekan ngomah.

Lagi tekan latar aku wes bengok bengok, ibu…….ibu………..ibu………, pit ontel tak selehne aku mlayu neng ngomah banjur goleki ibu. Kok ora koyo biasane manawa aku mulih sekolah ibu weslenggah ana emperan sinambi masangi benik klambi sik opahe kanggo ngrumati aku lan uga kanggo ngragati sekolahku.tak goleki pawon, kamar ibu ga ono banjur aku tumuju panggonan Sholat. Benerrrr, ibu ana panggonan sholat kanti posisi sujud ananging ibu tak tunggu tunggu ora obah tak timbale ora ono jawaban. Banjur ibu tak cedaki banjur tak demok, awake ibu wes anyep, praupane ibu wes pucet. Ibu wes kapundut dening Pangeran. Ana sak kiwane ibu ana laying kang unine

“ Danang, ibu jaluk ngapura. Ibu ora iso nutukne anggone ngrumati kowe. Mung dongane ibu kowe ojo lali anggonmu sholat lan sinau. Ibu mangestoni muga opo sing dadi gegayuhanmu bisa kasembadan. Muga kowe bisa dadi bocah sing utama ora kekurangan opo opo, sanajan ibu karo bapak wes ora ana ananging iseh bisa ngerti lan melu bungah manawa kowe bisa dadi guru sing bakal minterake Putra bangsa”. Tambah banter anggonku nyebut ibu………………………

Dino tambah dino ora krasa, aku bisa kuliah njupuk jurusan FKIP sing digadang gadang dening bapak karo ibu. Dino kanggo wisudha wes tumeka, aku dadi Wisudawan Terbaik saka FKIP MIPA. Sak rampunge wisudha aku banjur tumuju ana pasarean bapak lan ibu, aku nangis bungah mergo aku bisa mujudake cita-citaku lan cita-cita bapak saha ibu. Hamung dongo kang bisa tak aturake muga bapak saha ibu pirsa kelulusanku.“Bapak ibu mugi penjenengan pirsa dipun lebetaken dumateng swarga, kula mboten saget maringi piwales dumateng panjenengan naming donga saking kula ingkag saged kula aturaken.”

 “Kaanggit dening Pakdhe”